رئيس مباحث ثان طنطا " الأقسام مكان خدمي عادى وإحنا موجودين عشانكم


Image may contain: 1 person, indoor


كتب \ شيماء شلبي 

عبر الرائد احمد الحجار رئيس مباحث قسم شرطة ثان طنطا خلال صفحته علي الفيس بوك قسم الشرطة عن طبيعة والدور الذي يقوم به قسم الشرطة في اى مكان حيث بدء حديثه قائلا ( ان القسم هو عبارة عن مكان خدمي زية زي اي مكان زي مستشفى او شركة او أو - مشكلتة انة لية طبيعة خاصة انك ديما بتروح عشان حقك او اي مشكله بتوجهها . لية وانت داخل بتفكر في السلبيات و الاحداث السيئة اللي حصلت قبل كدا و من ناس معينة مش كلة في أقسام الشرطة و تاخد قاعدة معينة ان انت لو دخلت هيحصل حاجه غلط ! 
القسم فية ظباط كتير لو حاسس انك متوتر من واحد متخفش و تمشي ادخل علي غيرة آللي بعدة 
هتلاقي في مأمور و نائب مأمور و في ظباط مباحث و في ظباط نظام و في كمان ظابط ل العلاقات العامه حاليا اللي في ناس كتير ميعرفوش. 

يعني لو انت رحت و حسيت ان في مشكله حصلت معاك دة لو حصل ممكن تسأل علي ظابط العلاقات العامة و تقعد معاه و هيدلك علي الصح والحاجة آللي ممكن تساعدك اما ان انت بقي تكون داخل وحاطط في نفسك ان هيحصلك مشكله مش لازم يعنى و مش لازم نسترجع الذكريات السيئة و الفكرة الغلط اللي الاعلام و الأفلام وصلتهالنا, 

انا مش هقول أننا ملايكة بس مش بنحب المشاكل ولا الظلم برضه و مش عاوزين تحصلك مشاكل و عايزينك تدخل القسم و تطلع وانت مش مضرور من حاجه ..
و هتقول لا ده في ناس بتاخد فلوس و كدا / ماشي اكيد في في اي مكان ناس كدا ناس بتضل عادي بتحصل ابعد عنهم و علي فكرة الاقسام دلوقتي كلها مراقبة بالكاميرات و الشخص الوحش أبعد عنة وأدخل كدا مع البني أدام اللي انت تشوف ان هو كويس بحيث في الاخر تطلع من القسم حاجتك خلصت و من غير ما تاخد فكرة سيئة عن آللي في القسم. 

واختتم حديثه قائلا ان 
الأقسام مكان خدمي عادى وإحنا موجودين عشانكم