طريقة عمل المندي

Image may contain: food


الطريقه :
اول حاجه هنتبل الفراخ في ربع كوبايه ذيت وعليها ملح وفلفل اسمر ومعلقه كبيره كركم ومعلقه كبيره بابريكا ونسيبها شويه تشرب التتبيله

هنجيب الرز البسمتي ونغسله كويس ونصفيه وبعدين نحطه في طاجن فخار او بايركس ونحط عليه ورقتين لورا وعودين قرفه وخمس او ست فصوص حبهان ومكعب مرقه وفي ناس بتحط قرنفل كمان بس انا محطتش
Image may contain: food
وبعدين هنحط الميه المغليه لكل كوبايه رز كوبايتين الا ربع مايه لان لسه الفراخ هتنزل ميتها كمان عالرز
وبعدين نحط بقي فلفل اسمر ومعلقه كركم ومعلقه ذيت ومعلقه سمنه ونظبط الملح

هنحط فوق الطاجن شبكه انا مش عندي فعملت شبكه بعيدان الشيش طاووق ونرص عليها الفراخ بالتتبيله ونقفلها بورق فويل وندخلها فرن سخن بتقعد من ساعه لساعه ونص حسب الفرن بتاعك

بعد مانطلعها ونلاقيها استوت هنشيل الورق الفويل ونحط باقي التتبيله علي الفراخ وندخلها الفرن تاني ونولع عليها الشوايه بس تاخد لون 
ونشيل بقي من علي الرز عيدان القرفه وورق اللورا والحبهان وبالهنا والشفا