القطايف الراعى الرسمى عندنا في رمضان بالطريقة البيتي - جريدة مصر اليوم

أخر الأخبار

Post Top Ad

Post Top Ad

الأحد، 13 مايو 2018

القطايف الراعى الرسمى عندنا في رمضان بالطريقة البيتي

Image may contain: dessert and food


انا مش عايزه اقول طريقتها لانها سهله جدا بس عايزه اقول حاجة مهمه جربتها وحبيت افيد اللى بيعملها في البيت زيي انا طول عمرى بعملها بخميره واسيبها تخمر ساعه وبعدين اكمل

 No automatic alt text available.


Image may contain: food and indoor
 النهارده قولت اجربها من غير تخمير في مقدار صغير كده بجد طلعت احلى كتتتتير جدا من التخمير 
كمان وانا بحشيها مش بتشقق ولا تفتح بعد مااقفلها والحشو يطلع في القلى 

Image may contain: dessert and food

الطريقه 
٣ كوبايات دقيق عليهم تلات معالق سكر ورشه ملح صغيره وتمن معلقه بيكربونات صوديوم ومعلقه صغيره خميره ومعلقتين لبن بودره ونقلبهم كويس مع بعض ونضيف عليهم تلات كوبايات ميه بادره ونقلب كويس لحد ماتختفى اى كلاكيع في العجين ونسخن طاسه كويس اوى وننزلشويه عجين فيها بكبشه لحد ماتستوى من تحت وتصفر نشيلها 
اهم خطوه كل مانطلع من الطاسه نحط على صنيه متغطيه بكيس عشان البخار من السوا يطريها وتتحشى بسهوله
المقدار دا صغير تجربه كوبايه دقيق واحده وكوبايه ميه
Image may contain: food
الناس اللى بتسال ينفع تتخزن 
اه ياجماعه انا عملاها لرمضان وبحطها في الفريزر واطلعها خمس دقايق بس واحمرها بتبقي جميله 
واللبن البودره مش لازم منه خالص عادى زى ماتقولوا بس انا اتعودت احطه مع اى عجين 😁
بيكربونات الصوديوم كمان ممكن بدالها بيكنج بودر عادى

Post Top Ad

أكثر من 30,000,000+ يتابعون ممصر اليوم إنضم إلينا

نموذج الاتصال

الاسم

بريد إلكتروني *

رسالة *

authorجريدة مصر اليوم
إخبارية اسبوعية شاملة مستقلة