فاقد الذاكرة - جريدة مصر اليوم

أخر الأخبار

Post Top Ad

Post Top Ad

الأحد، 13 مايو 2018

فاقد الذاكرة




كلمات / إسلام عامر

فاقد الذاكرة
مش عارف أنا مين
لقيت نفسي
ف غرفة الإنعاش
ببكي وقلبي حزين

جسمي كله
معدوم الحركة
جوة الجبس محبوس
ناس كتير كانت حواليا
منهم اللي بيبكي عليا
بيتعاتبوا
بيتحاسبوا و يتخانقوا
مين السبب
ف اللي جرى ليا
ومن كتر الوجع
صرخت
بأعلى صوت فيا
قلت كفاية
حرام عليكم
أنا كنت لمين
فيكم ضحية
بدأوا يعرفوني
بنفسهم
ويوروني صوري
معاهم كلهم
صرخت تاني
وقلت الناس دي
أنا معرفهومش
نزف الجرح فيا
جه الطبيب
يكشف عليا
قال لهم
حالته خطر
ومنعهم من الزيارة
تاني ليا
ربنا كتب له
عمر جديد وعاش
ادوني فرصة أعالجه
وترجع ذاكرته تاني
لوكنتوا بتحبوه
امشوا وسيبوه
عشان ربنا يشفيه
مشيوا
وسابوني لوحدي
وسابوا لي
صور الذكريات
مافتكرتش
حاجة منها خالص
ولا لحظة واحدة
من الماضي
اللي فات
مافتكرتش غير
حاجة واحدة بس
كنت بحسها
صورة منحوتة
جوة قلبي
لإنسانة كنت بحبها
رسمت صورتها
ع الجبس
أول ما إيدي اتحركت
مع اني مش فاكر
عنوانها واسمها
يامين يروح يقول لها
إني كتير محتاج لها
ودوايا ف قربي منها
هي الوحيدة
اللي فاكرها
من الناس
والدنيا كلها
عشان روحي معاها
واحساسي
وقلبي عندها
فاقد الذاكرة
مش عارف أنا مين
لقيت نفسي
ف غرفة الانعاش
ببكي وقلبي حزين

Post Top Ad

أكثر من 30,000,000+ يتابعون ممصر اليوم إنضم إلينا

نموذج الاتصال

الاسم

بريد إلكتروني *

رسالة *

authorجريدة مصر اليوم
إخبارية اسبوعية شاملة مستقلة