كامل الوزير..... كلمه سر الرئيس


نتيجة بحث الصور عن صورة السيسي وكامل الوزير


اللى تاعبهم من الجيش إن الريس صدرلهم كامل الوزير فى الوش .. و وضعه فى مكان كله شوك .. و قاله يا كامل زى ما الكتاب بيقول .. و الناس اللى خدمت فى الجيش عارفين معنى الكلمة دى و الكتاب ده فى إيه !! و كامل فرمط المكان و وراهم العين الحمرا و وزارة النقل ماشية زى الساعة من يوم ما كامل تولى المسئولية .. اللى تاعبهم من الجيش إن الريس هيعمل مدينة دواء مصرية متكاملة .. عشان يقضى على مافيا الادوية اللى بيلعبوا بأمراض الناس !! اللى تاعبهم من الجيش إن الريس بيسترد الاراضى المنهوبة و بيرجع حق الدولة .. اللى تاعبهم من الجيش إن الريس منع السوق السودا للعملة و سيطر على مافيا تجارة العملة !! اللى تاعبهم من الجيش إن الريس بيكلفهم بالإشراف على اى مشروع عشان المدنى لا مؤاخذة كسلان و بيصحى من النوم الضهر .. اللى تاعبهم من الجيش إن الريس سأل احد لواءات الجيش ع الهو امام الملايين عن مرتبه .. و فطس كدبة بقالها سنين بيكدبوها عن مرتبات الجيش و الشرطة .. اللى تاعبهم من الجيش إنه محافظ على امن و امان مصر و خرج بينا من يناير 2011 لبر الامان .. اللى تاعبهم من الجيش إنه بيعمل منافذ بيع فى كل الميادين عشان يحارب جشاعة التجار و لخدمة المواطنين .. و اللى تاعبهم اكتر من الجيش .. رغم تدخله فى الحياة المدنية و بيشرف على تنفيذ المشروعات ووو .. إن مهمته الأساسية لم تتأثر فى تأمين حدودنا و محاربة الارهاب و فى تنويع التسليح .. يعنى انتوا متعرفوش قوة جيشنا عاملة ازاى .. بيعمل كل حاجة فى اى حاجة .. و اللى تاعبهم من الجيش إنه جيش مش اخوان و لا سلفيين و لا هيكون .. و اللى تاعبهم من الجيش إن السيسى ابن الجيش .. و ابن الجيش مصرى شريف لا يباع و لا يشترى .. اللى تاعبهم من الجيش إنه اللى يفكر يقربلنا هيتشال من على وش الأرض !!
كامل الوزير..... كلمه سر الرئيس  كامل الوزير..... كلمه سر الرئيس بواسطة mesralyoum on سبتمبر 07, 2019 Rating: 5

بيزنس إيجنت

ا اخبا ر